Jájájájájájájá

Nick Cave. Warren Ellis. Jim Sclavunos. Martyn P. Case. Höllinni. 16. September.

Guð blessi Wikipedia!

Próflestur

Kastljósið í kvöld var miklu skemmtilegra. Ég elska sjálfbæra fjölmiðlun. Svo var formið á þessu viðtali svo merkilegt. Kristján var einhvern veginn sinn eigin viðmælandi. Maður getur velt því fyrir sér hversu mikinn séns einhver á í rökræður ef mótherjinn stjórnar því í einu og öllu hvernig rökræðurnar fara fram. Annars hef ég gaman af aðgangshörku Kristjáns.

Ég er með heimspeki-, eðlis-/efna-/stærð- eða rökfræðilega spurningu. Ímyndum okkur ílát barmafullt af vökva, segjum bara kaffi. Nú látum við vatn vætla rólega í ílátið, án þess að dropar skvettist um allar jarðir, en þó þannig að það flæði yfir barmana. Getur einhver mér fróðari um eðli alheimsins sagt mér hvort það komi nokkurn tíma að því að allt kaffið verði horfið úr ílátinu og eftir sitji ekkert nema hreint vatn?

Kastljós

Jón Ásgeir og Hreinn eru hugsjúkir og þurfa nauðsynlega að átta sig á því að þeir stjórna því ekki hvenær og hvernig fjölmiðlar fjalla um mál þeirra, þótt þeir virðist hafa ágætis stjórn á merkilega mörgu öðru. Þórhallur og félagar þurfa hins vegar að átta sig á því að það nennir enginn að þekkja smáatriðin í þessu máli vegna þess að málsatvikin sjálf eru í raun nauðaómerkileg, það er umgjörð og tilvist málsins sem er áhugaverð. Mér er alveg sama um þessar milljónir sem einhverjir færeyskir sms-menn vissu eða vissu ekki að hefðu verið færðar ólöglega á reikninga í eigu Jóns Geralds eða Jóns Ásgeirs eða Kristínar Jóhannesdóttur með eða án vitundar þessa eða hinna. Kastljós má alveg fjalla að vild um þetta mál en þessi umfjöllun er hins vegar óþörf og leiðinleg.

Svo er Kastljósstefið alveg eins og þemalag í einhverri low-budget ástralskri sápuóperu frá níunda áratugnum. Ég held að það sé brassið.

Öntreprenjúrismi

Væri ég frumkvöðull ef ég fengi mér Nóa-kropp með mjólk út á í morgunmat?

Hlutskiptið

Ég er öfgamaður.