Er eitthvað hægt að blogga um þessa dagana? Borgaði Salouferð og sótti um passa. Keypti miða á Lou Reed. Var sáttur við niðurstöður forsetakosninganna og finnst lætin varðandi þær hlægileg. Búinn að vera límdur við EM og er nokkuð viss um að Tékkarnir vinni. Finnst gaman að hugsa til þess að það séu bara þrjár vikur í útlönd. Hef verið að velta fyrir mér að skella mér eitthvað út úr bænum um helgina. Er með fráhvarfseinkenni eftir að hafa klárað O.C. Finnst Nýdönsk frábær hljómsveit sem og Súkkat. Komst að því að tónlist úr söngleikjum eins og Hárinu, Jesus Christ Superstar og Rocky Horror er alltaf jafn skemmtileg. Vorlegu tilfinningarnar sem hafa verið að berjast í brjósti mér síðan snemma í maí eru að dvína, en þó ekki. Er að fíla nýja Quarashi lagið. Réð við góðar fimmtíu armbeyjur þegar ég lét á reyna í fyrsta skipti í heillangan tíma og þykir mikið til koma. Stefnir allt í forsíðuna á Muscle Magazine. Eða ekki. Meira seinna. Endilega commentið.

----------------------------------------------------------------------

Færslumúsíkin!

Beck - We Live Again
A Tribe Called Quest - After Hours
Pere Ubu - Non-Alignment Pact
Sinéad O'Connor - Nothing Compares 2 U
Nýdönsk - Hunang

Ég hef ekki fellt tár yfir sjónvarpsefni svo lengi sem ég man. Ætli ég hafi ekki bara gert ráð fyrir því að þeir tímar væru liðnir. Það er kannski geðveila mín í hnotskurn...

Þvílík geðshræring, maður er bara eftir sig.

Það hefur verið staðfest.

Guðni Rúnar Jónasson, nýlega kjörinn forseti nemendafélags Iðnskólans í Reykjavík, hefur skráð sig á spjöld sögunnar með því að vera minnsti forseti sem um getur frá upphafi alda. Hann komst þar með upp fyrir (eða niður fyrir, það fer eftir því hvernig litið er á málið) fyrrverandi forseta nemendafélags Menntaskólans við Hamrahlíð, Ölmu Joensen, sem aftur hafði hrifsað titilinn haustið 2003 af Nkhangweleni Ayubu, fyrrverandi forseta ættbálks pygmýja í Kongó (fyrir miðri mynd).

Aðspurður um málið kveðst Guðni ekki hafa gert upp við sig hvernig hann muni halda upp á afrekið, og segist jafnframt engar áhyggjur hafa af því að metið verði slegið í bráð.

Ég hef verið að velta fyrir mér hvort ég ætti að gera eitthvað af eftirfarandi í von um að ég verði betri maður fyrir vikið:

Hætta að borða nammi - Væri gott fyrir tennur, húð, fjárhag og örugglega eitthvað fleira, en á móti kemur að nammi er gott. Þessi hugmynd er hættuleg. Ég gæti hugsanlega fengið það af mér að reyna og orðið snargeðveikur í kjölfarið, og ekki bætir það mig. Mér finnst þetta samt sem áður spennandi challenge...

Fara að sofa fyrir miðnætti á hverju kvöldi - Þetta yrði nú aðallega bara skrýtið. Mundi þetta þýða það að ég yrði alltaf hress á morgnana í vinnunni? Ég mundi ekki einu sinni vita hvernig ég ætti að haga mér...kannski worth a shot, en ég stórefast um að þetta verði nokkurn tíman að veruleika. Plús það...hvenær ætti ég eiginlega að horfa á O.C. og 24?

Kaupa mér kort í líkamsræktarstöð og fara á hverju einasta kvöldi - Þetta er eitthvað sem gæti fræðilega séð alveg gert, þó að ég sé að puða og púla 10 tíma á dag, svo framarlega sem ég mundi fara beint eftir vinnu. Ekkert heim að slaka á fyrst, það væri ávísun á glötun. Svo er spurning hvort ég þurfi á þessu að halda. Ég er ekki of þungur (skv. nýjustu mælingum, sem eru svona mánaðar gamlar, er ég við lægri mörk kjörþyngdar) en ég hefði samt gott af því að bæta aðeins á mig...auk þess sem það er alltaf hollt að taka aðeins á. Vissulega hugmynd...hugmynd sem ég mun nokkuð pottþétt kíkja vel á þegar nær dregur leikfimilausri skólagöngu...

Lesa heimsbókmenntir - Já...ég gæti tekið upp á því að fara að lesa bækur eftir menn á borð við Günther Grass, Gabriel Garcia Marquez, Kafka, Hamsun, Tolstoy og Rushdie...en langar mig virkilega til þess? Ég held ég láti bara langanirnar ráða...það er örugglega hollast. Ég ætla að leyfa mér að vitna í Halldór Halldórsson úr Morfís keppni milli MH og MR fyrir nokkrum mánuðum: "Ekkert ykkar hefur lesið svo mikið sem eina bók á einhverju menningarstigi síðastliðin fimm ár, nema af því að þið þurftuð að gera það fyrir skólann eða ykkur fannst flott að hafa gert það." Látum liggja á milli hluta hvort ég sé sammála þessari fullyrðingu eða ekki (ekki) en það er samt alveg á hreinu að það er ekki hollt að lifa í blekkingu...

Eftir þessa upptalningu hef ég komist að því að ég ætti að geta lifað í tiltölulega mikilli sátt við sjálfan mig...ég ætla að hætta þessu rugli. Ég stend mig alltaf best í föstu leikatriðunum...hmm? Djöfull eru Ítalir að fara að horfa mikið á einn ákveðinn fótboltaleik á vídíó næstu daga....fönní stöff...Ég held að ég sé farinn að lykta eins og hænsnaskítur, sem er slæmt þar sem hænsnaskítur er einhver verst þefjandi óþverri sem sögur fara af. Maðurinn sem áttaði sig á því að það væri sniðugt að setja hænsnaskít á mold áður en maður setur gras er fáviti...ég vona að hann lesi þetta... Hey hænur! I know you'd like to thank yo shit don't stank...but it does....Hmm...annars er það helst að frétta að það lítur allt út fyrir að ég hafi verið illa snuðaður af Terranova...þarf að ganga í það mál...

Skiljiði endilega eftir komment krúsídúllurnar mínar (engar áhyggjur...ég skal skjóta mig þegar ég er búinn með færsluna...eða...sjáum til...kannski er ég bara gömul kona...ég meina...ég drakk mig fullan af Sjerríi um helgina...)

PS: Ég er að spá í að breyta þessu bloggi í svona minifærslublogg...þ.e. að ég taki bara fyrir eitthvað eitt í hverri færslu...engir fleiri hrærigrautar...whatcha think?

----------------------------------------------------------------------

Færslumúsíkin!

Dead Kennedy's - Kill The Poor
Groove Armada - At The River
Atmosphere - Sound Is Vibration
Chino XL - Kreep

Hversu gott geim er að vakna eftir 16 tíma svefn við það að England-Sviss er að byrja í sjónvarpinu? Hressleikinn allsráðandi...gjörsamlega. Annars held ég að ég hafi slegið einhvers konar met í þreytu í gærkvöldi, getur varla annað verið...

Holland-Þýskaland spáin mín rættist ekki...enda var Roy Makaay ekki inná!!! Hneyksli. Það var helvítinu honum Dick Advocat að kenna að ég hafði rangt fyrir mér....að setja Makaay ekki inná í leik á móti Þjóðverjum....fuss! Umsvei jafnvel bara....

Ég fór að vinna í Keflavík í gær, nánar tiltekið á beisinu...þvílík og önnur eins vitleysa. Þegar maður mætir þá taka á móti manni soldjas í full war gear með stærstu byssur sem ég hef séð með eigin augum. Hálfgerð svona stemmning í gangi... Gerð dauðaleit í bílnum og svona... Getur einhver sagt mér hvað Kanarnir gera á daginn? Ég meina, það eru Íslendingar í garðyrkjunni, Íslendingar að mála, Íslendingar í byggingarvinnunni, Íslendingar að vinna á Wendy's og Subway, Íslendingar í sjoppunum...hvað í fjandanum gerir þetta fólk sem býr þarna??? Einhverjir eru sjálfsagt í skriffinnsku, einhverjir í flugvirkjun, einhverjir í hliðinu að miða byssum á unsuspecting Íslendinga, en þetta eru ekki nokkur þúsund manns...hvað með restina? Er það bara þarna að vera hermenn og...já...? Stand by allan daginn? Get ekki gert það upp við mig hvort ég haldi að það sé nice líf eða bara leiðinlegt líf. Ég vona a.m.k. að ég þurfi ekki að fara þarna aftur á morgun...eða bara nokkurn tíma.

Kvót dagsins kemur úr The O.C.:
"Sailing is like so not the fastest way to get anywhere"
Mikill sannleikur fólginn í þessum orðum...

----------------------------------------------------------------------

Færslumúsíkin!

Looptroop - Botaniska
Immortal Technique - Obnoxious
The Velvet Underground - The Black Angel's Death Song
Necro - Light My Fire
Buffalo Springfield - For What It's Worth

Sumir eiga furðulega erfitt með að skilja það að ef maður gerir hlutina almennilega og vandar sig í staðinn fyrir að vera sífellt í kapphlaupi við tímann þá mun það þegar á hólminn er komið hafa tekið mun minna tíma en ella. Svona fólki getur verið virkilega erfitt og þreytandi að vinna með. Vitiði hvað ég er að fara?

Í nótt dreymdi mig skemmtilegan draum þar sem ég var meiri áhorfandi en þáttakandi, ég er ekki einu sinni viss um að ég hafi verið eiginleg persóna í draumnum. Draumurinn lýsti sér þannig að Seth Cohen og Ryan Atwood, unglingspiltar frá Californiu, voru staddir í Hogwartsskóla og höfðu 24 tíma til að afstýra morði á sjálfum Harry Potter með tilheyrandi spennu, drama, göldrum og öðrum hamagangi í svipuðum dúr. Ég hef komist að því að þessi draumur á rætur sínar að rekja til þriggja misnýrra fíkna sem ég hef komist í tæri við undanfarið.

Fyrst ber að nefna það að ég er aumingi. Ég er svo sem ekkert meiri aumingi en hver annar, enda virðast allir vera orðnir aumingjar nú á dögum, ég hafði bara gert mér vonir um að ég væri frábrugðinn, en svo er ekki. Ég verð að játa það að ég hef ánetjast The O.C. Ég varð fyrir því óláni að horfa á tvo þætti í röð og þaðan var ekki aftur snúið, ég varð mér úti um allt heila klabbið á tölvutæku formi og hef setið við síðan. Þó svo að þættirnir séu vissulega skemmtilegir þá leyfi ég mér samt að kalla þetta ólán því ég lít The O.C. sömu augum og ég lít heróín. Vissulega ánægjulegt á meðan það endist en hægt og rólega drepur það eitthvað innra með þér, og þegar fíknin er orðin sterk þá eru fráhvarfseinkennin óbærileg. Ég býð ekki í það þegar maður þarf að bíða í marga mánuði eftir næsta skammti...úff..

Fíkn mín í þættina 24 er öllu heilbrigðari enda hef ég getað stillt áhorfi mínu á þá nokk í hóf enn sem komið er. En einhvern tíman mun þessi þáttaröð víst taka enda og þá er bara að vona að spennan verði ekki svo mikil að ég geti ekki höndlað hana fram á haust.

Á milli fótboltaleikja á laugardaginn hófst ég handa við lestur á fjórðu bókinni um galdradrenginn Harry Potter sem ég hafði hingað til ekki þorað að byrja á sökum lengdar. Í tveimur törnum er ég búinn með ríflega 200 blaðsíður sem hlýtur að teljast nokkuð gott.

Það vakti sérstaka athygli mína að í draumnum kom hvergi fram að Harry Potter væri háður heróíni, þó svo að það hefði skv. öllu verið mjög eðlilegt sub-plot. Ég held að ég hafi vaknað áður en draumurinn var á enda...

Eitthvað hef ég ruglast í leikjaskránni á EM þar sem England-Frakkland var ekkert á laugardaginn heldur í gær og Holland-Þýskaland var ekkert í gær heldur er hann á morgun. En spá mín fyrir fyrri leikinn reyndist rétt, Frakkar unnu og Henry skoraði ekkert. Þá er bara að treysta á Roy Makaay í leiknum á morgun.

Ég fór að sjá myndina Eternal Sunshine of the Spotless Mind fyrr í kvöld. Ég held ég votti þessu listaverki bara virðingu mína með því að orðlengja ekki frekar um það. Það sem ég hef að segja um þessa mynd getur aldrei orðið neitt merkilegt í samanburði við myndina sjálfa...

Ég held að það sé ekki úr vegi að heimta komment. Frá öllum. Um hvað sem er. Takk.

----------------------------------------------------------------------

Færslumúsíkin!

Roxy Music - Running Wild
The Coup - Me & Jesus The Pimp In A '79 Granada Last Night
Lou Reed & John Cale - Faces & Names
Hi-Tek Feat. Jonell & Kool G. Rap - Round & Round (Remix)
Beastie Boys - Root Down (Free Zone Mix)

Sko...allir hafa heyrt slappa brandara. Flestir hafa meira að segja heyrt virkilega lélega brandara, t.a.m. allir þeir sem hafa einhvern tíman lesið brandarana í Séð og Heyrt. En...dömur mínar og herrar, we have a winner! Þessi sprengir skalann alla leið til Túnis og aftur til baka...ég hef bara aldrei séð annað eins, skoðiði bara sjálf hérna. Lesið alla greinina (ekki eins og hún sé löng) og takið sérstaklega eftir síðustu málsgreininni, en þar stendur orðrétt: "Það var kannski eins gott að hann pantaði sér ekki súpu, þá hefði hann líklega fengið flöskuskeyti."

...

Mér blöskrar. Bókstaflega. Það er eitthvað athugavert við þennan "brandara" á svo mörgum levelum. Í fyrsta lagi þá pantar maður sér ekki súpu í heimsendingu, það væri bara plain asnalegt. Í öðru lagi þá er súpa yfirleitt ekki geymd í flöskum, a.m.k. ekki þær súpur sem ég hef séð...geymdar...allavegana, on we go. Í þriðja lagi, ef maður ætlar á annað borð að vera að hafa fyrir því að setja skeyti í flösku, þá setur maður ekki skeyti í flösku nema hún sé tóm (hvort sem er af súpu eða einhverju öðru), annars er tilgangurinn lítill. Og í fjórða lagi, hvað er svona slæmt við flöskuskeyti? Höfundur "brandarans" tók það allavegana fram að það hafi verið "eins gott að hann pantaði sér ekki súpu" af því að "þá hefði hann líklega fengið flöskuskeyti" eins og það væru alveg skelfileg örlög að verða fyrir því að fá flöskuskeyti. Mér finnst að þessi greinahöfundur eigi að sjá sóma sinn í því að segja upp störfum...hvar sem hann er nú að vinna, það skiptir ekki svo miklu máli....hann á a.m.k. ekki skilið að fá laun fyrir eitt né neitt eftir þetta.

Jæja, út í aðra sálma. Eternal Sunshine of the Spotless Mind er víst loksins loksins frumsýnd hér á morgun. Ég í cinemað á sunnudag, lítil spurning um það...
Svo er EM að byrja um helgina. La France-England á Samstag og Holland-Deutschland á Sonntag....massívir leikir. Frakkar og Hollendingar hafa þá...Maakay setur tvö og Henry skorar ekki fyrir Frakka. Það stefnir sum sé allt í taumlausa hamingju um helgina, hvort sem ég enda helölvaður úti í móa eður ei.

Ég bjó til nýyrði í vinnunni í dag þegar mér var farið að leiðast. Þetta nýja orð er líknarsamloka. Hvað það er hef ég akkúrat enga hugmynd um og þess vegna bið ég um ykkar hjálp við þá ákvörðun.

Bis später.

----------------------------------------------------------------------

Færslumúsíkin!

The Velvet Underground - Sister Ray
Looptroop & Petter - Topp Doggz
Grandaddy - Broken Household Appliance
Blur - Charmless Man

Sex og hálf vika, 45 dagar, einn og hálfur mánuður í mesta madness síðari tíma. Það er kannski við hæfi að fara að hefja niðurtalningu bráðlega. Eitt er a.m.k. víst, og það er að ég þarf að fara að huga að passamálum einhvern tíman á næstunni. Ég hef lítinn áhuga á að endurtaka leikinn frá því í fyrra, þó ekki væri nema fyrsta hluta hans. Allur sá pakki var vægast sagt...tja...óþægileg lífsreynsla...Bölmóðssýki og brestir bera vott um styggð. Lymskufullir lestir útiloooooka dyggð. Viðeigandi texti....mjög svo...

Annars finnst mér nýja Harry Potter myndin rather good stuff. Ef ég væri Roger Ebert (sem ég er sem betur fer ekki...í alvöru...) þá fengi hún alveg two thumbs up frá mér. Alfonso Cuarón kann að leikstýra bíómynd...sem er eitthvað sem Chris Columbus þyrfti að stúdera aðeins betur. Enda voru hinar myndirnar í tæpari kantinum...og þær voru ekkert sérlega þéttar á honum heldur....kantinum þ.e...
Ég ætla aldrei aftur að horfa á Twilight Zone...í gær var önnur sagan um strák sem vakti til lífsins einhverja styttu af asnalegri teiknimyndasöguhetju í lendaskýlu. Gaurinn með sverðið í lendaskýlunni var ekki mjög harður og leit út eins og Jim Belushi....sem er ekki töff...Strákurinn sendi svo pabba sinn (sem var heeeeví vondur gæji og var alltaf að lemja mömmuna) inn í teiknimyndaheiminn og reddaði þannig málunum...við fengum reyndar ekkert að vita hvernig það var að alast upp föðurlaus eftir þetta og hvernig hann kópaði við að hafa svona allt að því drepið föður sinn...en það var kannski líka bara aukatriði. Auk þess myndaðist eitthvað romance á milli lendaskýlugaursins og mömmunnar á þessum tveimur mínútum sem þau töluðust við...sem var nú bara krípí. Hin sagan var með Lou Diamond Phillips. Twilight Zone er héðan í frá af dagskrá....þó það hafi aldrei verið á henni...beat that...

Mér hefði fundist mjög fyndið ef þessi frétt með heróínóverdósið hans Daniel Radcliffe hefði ekki verið uppspuni og þvæla. Pæliði í skandalnum...þetta hefði verið geheðveikt. Öll börn veraldar grátandi "Mamma...er Harry Potter í alvöru dópisti...? Er hann að fara að deyja?" Foreldrarnir í kerfi "ööö....ég kýs að svara ekki þessari spurningu....ööö...uuuuuuu....pass...já...hérna....". En þessir DV blaðamenn fá samt klapp á bakið frá mér fyrir að vera mest auðtrúa vitleysingar...bara allra tíma. Ég hef ekkert á móti DV sem fjölmiðli, fínt að hafa eitthvað svona sorprit sem smá contrast við þetta Moggaíhald....en þeir verða nú samt aðeins að fara að passa sig þarna...maður étur ekki bara upp hvaða bull sem er hvaðan sem er.

Nenni ekki færslumúsík...það mætti kalla mig lazy ass bum...en endilega haldið aftur af ykkur.

Mér finnst einhvern veginn hálf óeðlilegt að vera farinn að segja mér miklum mun eldri mönnum fyrir verkum í vinnunni. Það er eiginlega bara óþægilegt að vita til þess að ég þurfi að hafa vit fyrir mönnum sem eru komnir um og yfir fertugt. Kannski er ég bara svona gamaldags...hver veit.

Djöfull var annars skitzó veður í dag. Það skiptust bókstaflega á skin og skúrir í allan dag, og það á svona tíu mínútna fresti... En þessu verður maður víst að læra að lifa með ef maður ætlar búa á þessu landi. Vinnan er samt sehr hreschandi, maður er búinn að taka góðan lit strax og svo er þægilegt að taka almennilega á svona til tilbreytingar, maður er á leiðinni að verða köggull. Vantar bara gulu honduna og þá getur maður brunað beint á Selfoss og blendað in eins og ekkert sé...spurning hvort maður hafi áhuga á því samt...tæplega...

Ég er búinn að sækja um í háskólanum, það er alveg ótrúlega magnað hvað maður getur verið duglegur stundum. Það lítur sem sé allt út fyrir það að ég sé að fara að hefja grunnnám í íslensku í haust. Eftir eins árs nám hef ég svo hugsað mér að byrja á fjölmiðlafræðinni sem ég ætla að taka sem aukagrein. Ætli maður endi svo ekki sem einhver æsifréttamaður á DV, svona fyrst það fær að lifa áfram...neh...þó það sé eflaust mjög smooth vinna...hmm...ekki að útiloka neitt, það endar aldrei vel...eða vél...ég er byrjaður að bulla...þá er time to split.

Já, meðan ég man, getur einhver sagt mér hvort það er einhver munur á Egils sódavatni og bragðlausum Egils kristal, og þá hver hann er?

----------------------------------------------------------------------

Færslumúsíkin!

Steely Dan - Fire In The Hole
Megas - Horfðu Til Himins
Tom Waits - Jockey Full Of Bourbon
Talib Kweli - Put It In The Air (Feat. DJ Quik)

Jæja, þá er komið að því að opinbera topp 20 listann minn eins og einhverjar virðast hafa verið að bíða eftir. Ég vil taka það fram að þetta er listinn eins og hann lítur út þessa stundina og hann gæti vel tekið breytingum, og það oft. Ég var að spá í að skrifa einhvern rökstuðning með hverju sæti..en ákvað að nenna því ekki. Hins vegar ætla ég að láta fylgja með hverri mynd eitt gott quote úr henni. Here goes:

1. Pulp Fiction
"Jules, you give that fuckin' nimrod fifteen hundred dollars and I'll shoot him on general principles."

2. The Nightmare Before Christmas
"Jack, please, I'm only an elected official here, I can't make decisions by myself!"

3. Groundhog Day
"This is pitiful. A thousand people freezing their butts off waiting to worship a rat. What a hype. Well, it used to mean something in this town. They used to pull the hog out, and they used to *eat* it. You're hypocrites, all of you!"

4. Donnie Darko
"Do you want your sister to lose weight? Tell her to get off the couch, stop eating twinkies and maybe go out for field hockey."

5. Twelve Monkeys
"All right! You dumbasses. I'm a mental patient. I'm *supposed* to act out!"

6. Se7en
"Wanting people to listen, you can't just tap them on the shoulder anymore. You have to hit them with a sledgehammer, and then you'll notice you've got their strict attention."

7. The Royal Tenenbaums
"Immediately after making this statement, Royal realized that it was true."

8. Fight Club
"Murder, crime, poverty, these things don't concern me. What concerns me are celebrity magazines, television with 500 channels, some guy's name on my underwear. Rogaine, Viagra, Olestra. "

9. Kill Bill Vol. 2
"Now if you don't calm down and play nice then I guess I'll have to shoot you in the kneecap, which, I hear, is a very painful place to be shot."

10. Dr. Strangelove Or: How I Learned To Stop Worrying And Love The Bomb
"Well, I've been to one world fair, a picnic, and a rodeo, and that's the stupidest thing I ever heard come over a set of earphones. "

11. Lord Of The Rings: The Return Of The King
"No, the journey doesn't end here. Death is just another path... One that we all must take. The grey rain-curtain of this world rolls back, and all change to silver glass... And then you see it. "

12. The Blues Brothers
"Your women. I want to buy your women. The little girl, your daughters... sell them to me. Sell me your children."

13. The City Of Lost Children
(Myndin er á frönsku...þ.a.l. ekkert quote...)

14. Léon
"I haven't got time for this Mickey Mouse bullshit."

15. Memento
"I was the only guy who disagreed with the cops - and I had brain damage."

16. Chinatown
"You're dumber than you think I think you are."

17. Amélie
(sama og að ofan...)

18. Adaptation
"Then one morning, I woke up and said, "Fuck fish." I renounce fish, I will never set foot in that ocean again. And there hasn't been a time where I have stuck so much as a toe back in that ocean."

19. Requiem For A Dream
"I'll tell them about you, and your father, how good he was to us. Remember? It's a reason to get up in the morning. It's a reason to lose weight, to fit in the red dress. It's a reason to smile. It makes tomorrow all right. What have I got Harry, hm? Why should I even make the bed, or wash the dishes? I do them, but why should I?"

20. Tremors
"Now, exactly how many cattle are required for a stampede, Earl? Is it three or more? Is there a minimum to beat?"



Tjáið ykkur að vild....